忌廉終於都無成晚貓貓叫喇, 已經開始適應呢個新屋企, 不過我幫忌廉買既新屋, 忌廉一ｄ都唔領情既, 每次入去都係貓几聲爪兩野就返出黎， 點解呢？ 每晚都係要訓係我枕頭邊, 有時半夜跳上跳落, 真係會比忌廉嚇一跳, 再加上朋友話唔應該比貓貓一起訓, 因為有d危險, 一個唔小心劃花面爪親眼就唔好, 但次次見到忌廉貓貓聲行埋黎我捨唔得踢忌廉落床喔~
見忌廉唔多肯飲水, 唯有倒d水入d乾糧到, 忌廉變左每次要飲晒d水先食到d糧, 呢招好似有效, 忌廉無再隔几分鐘就去沙盤喇.
呢几日放假每日都係屋企陪忌廉, 等忌廉可以快ｄ適應， 但其實另一方面又跟本係無人約過我出街， 變左孤獨老人與貓的畫面．
忌廉性格係小膽驚青格， 所以每次我都要等忌廉訓到扯晒鼻鼾， 咁佢就可以任我搞咖啦， 洗面～洗耳仔～～剪埋腳甲， 但真係要好有耐性，日後返左工真係唔知仲有無咁多時間囉
